رائے و تجزیہ
پاک ایران وزرائے داخلہ ملاقات: خطے میں امن کے لیے سفارتی کوششیں
✓ لنک کاپی ہو گیا
اسلام آباد (دوست نیوز رپورٹ) — وفاقی وزیر داخلہ سید محسن نقوی نے کرغزستان کے دارالحکومت بشکیک میں شنگھائی تعاون تنظیم (SCO) کے رکن ممالک کے وزرائے داخلہ و پبلک سکیورٹی کے خصوصی اجلاس کے موقع پر اپنے ایرانی ہم منصب سکندر مومنی کے ساتھ اہم ملاقات کی۔
وزارت داخلہ سے جاری بیان کے مطابق اس ملاقات میں پاک ایران تعلقات، داخلی سلامتی کے امور اور خطے کی تازہ ترین صورتحال پر تفصیلی تبادلہ خیال کیا گیا۔ دونوں وزرائے داخلہ نے خطے کے پائیدار امن کے لیے سفارتی کوششیں تسلسل کے ساتھ جاری رکھنے کی ضرورت پر زور دیا۔
