عالمی
اسحاق ڈار کا صومالی ہم منصب سے رابطہ، پاکستانی یرغمالیوں کی رہائی پر تبادلہ خیال
✓ لنک کاپی ہو گیا
اسلام آباد: نائب وزیراعظم و وزیر خارجہ سینیٹر محمد اسحاق ڈار نے صومالیہ کے وزیر خارجہ عبدالسلام علی سے ٹیلیفونک رابطہ کیا جس میں ایم ٹی آنر 25 پر سوار پاکستانی یرغمالیوں کی رہائی کے لیے جاری کوششوں پر تبادلہ خیال کیا گیا۔
اے پی پی کے مطابق پاکستان اپریل 2026 میں صومالیہ کے ساحل کے قریب جہاز کے اغوا کے بعد سے صومالی حکام کے ساتھ مسلسل رابطے میں ہے۔
اسحاق ڈار نے صورتحال پر پاکستان کی گہری تشویش کا اظہار کرتے ہوئے یرغمالیوں کی خیریت، جلد رہائی اور محفوظ وطن واپسی کی اہمیت پر زور دیا۔
صومالی وزیر خارجہ نے یقین دہانی کرائی کہ ان کی حکومت یرغمالیوں کی جلد رہائی کے لیے مخلصانہ کوششیں جاری رکھے ہوئے ہے۔ دونوں رہنماؤں نے معاملے کے حل تک قریبی رابطہ برقرار رکھنے پر اتفاق کیا۔
