ڈاکٹر طارق فضل چوہدری کی کراچی میں رینجرز اہلکاروں پر دہشت گرد حملے کی مذمت

اسلام آباد (نمائندہ خصوصی)۔ وفاقی وزیر پارلیمانی امور ڈاکٹر طارق فضل چوہدری نے کراچی میں رینجرز اہلکاروں پر ہونے والے دہشت گرد حملے کی شدید مذمت کی ہے۔

اتوار کو ایکس (سابقہ ٹوئٹر) پر جاری بیان میں انہوں نے شہید ہونے والے اہلکاروں کے خاندانوں سے تعزیت کا اظہار کیا اور زخمیوں کی جلد صحت یابی کے لیے دعا کی۔

انہوں نے کہا کہ فرض کی ادائیگی کے دوران جان قربان کرنے والے سکیورٹی اہلکار قوم کا فخر ہیں اور اس عزم کا اعادہ کیا کہ کسی بھی صورت دہشت گردی کو برداشت نہیں کیا جائے گا۔

وزیر نے کہا کہ پاکستان کی سکیورٹی فورسز ملک کے امن و استحکام کو نقصان پہنچانے کی ہر کوشش کو عزم کے ساتھ ناکام بناتی رہیں گی۔

انہوں نے ملک میں دیرپا امن اور استحکام کے ساتھ ساتھ پاکستان کے سلامتی کے اداروں کے تحفظ کے لیے بھی دعا کی۔