اسحاق ڈار کا پی آئی اے نجکاری پر اہم اجلاس
پی آئی اے کی نجکاری کے لیے اعلیٰ سطح کا جائزہ اجلاس
اسلام آباد: نائب وزیر اعظم اور وزیر خارجہ سینیٹر محمد اسحاق ڈار کی زیر صدارت کابینہ کمیٹی برائے نجکاری کا ایک اہم اجلاس منعقد ہوا، جس میں پاکستان انٹرنیشنل ایئر لائنز کارپوریشن لمیٹڈ (پی آئی اے) کی نجکاری کے پہلے مرحلے کو مکمل کرنے کے لیے اٹھائے گئے اقدامات کا تفصیلی جائزہ لیا گیا۔
اجلاس کے شرکاء اور تفصیلی مشاورت
ڈپٹی وزیراعظم آفس سے جاری کردہ پریس ریلیز کے مطابق، اس اہم اجلاس میں وفاق وزراء برائے توانائی و تجارت، نجکاری کے امور پر وزیراعظم کے مشیر، خصوصی معاون طارق باجوہ، اور نجکاری، منصوبہ بندی اور کابینہ ڈویژن کے سیکرٹریز سمیت متعلقہ وزارتوں کے اعلیٰ حکام نے شرکت کی۔
مستقبل کے لائحہ عمل اور اہم فیصلے
اجلاس کے دوران فیڈرل بورڈ آف ریونیو (ایف بی آر) سے متعلق امور اور لین دین کے فریم ورک کے تحت خریدار کی جانب سے پیش کردہ درخواستوں کا تفصیلی جائزہ لیا گیا۔ کمیٹی نے نجکاری کے عمل کو مزید تیز کرنے اور پہلے مرحلے کو کامیابی سے ہمکنار کرنے کے لیے اہم فیصلے کیے۔
