لاک ڈاؤن کے نام پر حکومت تاجروں پر ظلم بند کرے ۔ اجمل بلوچ

کفایت شعاری کا ڈرامہ فلاپ ہو گیا۔ کاروبار اوپن کئے جائیں ۔ خالد چوہدری

اسلام آباد ( دُوست نیوز) آل پاکستان انجمن تاجران اور ٹریڈرز ایکشن کمیٹی اسلام آباد کے صدر اجمل بلوچ اور سیکرٹری و چیر مین ٹریڈرز اینڈ مارکیٹ ڈیویلپمنٹ کمیٹی آئی سی سی آئی خالد چوہدری نے کہا ہے کہ امریکہ اور ایران کی جنگ کے آغاز میں حفظ ماتقدم کے طور پر ملک بھر میں کفایت شعاری کے نام پر لاک ڈاؤن لگایا گیا تھا ۔ لیکن مقاصد حاصل کرنے میں ناکامی ہوئی ہے ۔ کاروبار ختم ہو رہے ہیں ۔ معیشت پر منفی اثرات ظاہر ہو رہے ہیں ۔ کاروبار ستر فی صد تک سکڑ چکے ہیں ۔ دکانداروں کے کاروباری اخراجات پورے کرنا مشکل ہو گئے ۔ پیک آورز میں تاجر مہنگی بجلی خریدتے ہیں ۔ آئیسکو سٹریٹ لائٹ سمیت فالتو سٹریٹ لائٹ بھی کنٹرول نہ کر سکی ہے ۔ کفایت شعاری کا ڈرامہ فلاپ ہو گیا ہے ۔ انتظامی افسران تاجروں سے رویہ تبدیل کریں ۔

حکومت لاک ڈاؤن کے نام پر تاجروں پر ظلم و زیادتی بند کرے اور تاجروں کو کاروبار اوپن کرنے دیں۔ مہنگائی کے طوفان سے پہلے ہی سخت پریشان ہیں ۔ بڑائی والے ممالک میں تو کوئی لاک ڈاؤن نہیں۔ پاکستان میں کیوں ؟ وزیر اعظم شہباز شریف فوری طور پر نوٹس لیں اور لاک ڈاؤن ختم کرنے کا اعلان کریں۔