قومی
بسیمہ میں کامیاب کارروائی، وزیراعظم کا سکیورٹی فورسز کو خراج تحسین
✓ لنک کاپی ہو گیا
اسلام آباد: وزیراعظم محمد شہباز شریف نے بلوچستان کے ضلع بسیمہ کے علاقے نال میں دہشت گردوں کے خلاف کامیاب کارروائی پر سکیورٹی فورسز کو خراج تحسین پیش کیا ہے۔
اے پی پی کے مطابق وزیراعظم آفس کے میڈیا ونگ نے بتایا کہ کارروائی کے دوران 14 دہشت گردوں کو ہلاک کیا گیا۔ وزیراعظم نے سکیورٹی فورسز کی پیشہ ورانہ صلاحیت اور جرات کو سراہا۔
وزیراعظم نے کارروائی کے دوران جام شہادت نوش کرنے والے پاک فوج کے لانس حوالدار محمد عباس کو خراج عقیدت پیش کیا اور شہید کے اہل خانہ سے تعزیت کا اظہار کیا۔
انہوں نے کہا کہ عزم استحکام کے وژن کے تحت سکیورٹی فورسز دہشت گردی کے خلاف بڑی کامیابیاں حاصل کر رہی ہیں اور حکومت ملک سے ہر قسم کی دہشت گردی کے مکمل خاتمے کے لیے پرعزم ہے۔
