صدر مملکت کا سکیورٹی فورسز کو دہشتگردوں کے خلاف کامیاب کارروائیوں پر خراج تحسین

اسلام آباد (دوست نیوز رپورٹ) — صدر مملکت آصف علی زرداری نے خیبر پختونخوا میں فتنہ الخوارج کے خلاف سکیورٹی فورسز کی کامیاب کارروائیوں کو سراہتے ہوئے خراج تحسین پیش کیا ہے۔ صدر مملکت نے ڈیرہ اسماعیل خان اور مہمند میں بھارتی سرپرستی میں سرگرم چار خوارج دہشت گردوں کی ہلاکت پر سکیورٹی فورسز کی پیشہ ورانہ مہارت کی تعریف کی۔

فتنہ الخوارج کے خلاف کامیاب آپریشنز

ایوان صدر کے پریس ونگ سے جاری بیان کے مطابق، صدر مملکت نے کہا کہ ملک کے امن و استحکام کے خلاف ہونے والی ہر سازش کو ناکام بنانا حکومت کی اولین ترجیح ہے۔ انہوں نے واضح کیا کہ پاکستان سے دہشت گردی کے مکمل خاتمے تک "عزم استحکام” کے تحت کارروائیاں جاری رہیں گی۔