پاکستان لائف سٹائل فرنیچر ایکسپو 15 مئی سے اسلام آباد میں شروع ہوگی

اسلام آباد۔5مئی (دوست نیوز):پاکستان لائف سٹائل فرنیچر ایکسپو 15 مئی سے اسلام آباد میں شروع ہوگی ۔

ایونٹ کا انعقاد 15 سے 17 مئی تک ہوگا ،تین روزہ ایکسپو میں ملک بھر سے فرنیچر کی صنعت سے وابستہ افراد اپنی مصنوعات کو صارفین کے لیے پیش کریں گے۔

تقریباً 100 سے زائد فرنیچر کی صنعت سے وابستہ کمپنیاں اس ایکسپو میں حصہ لیں گی اور صارفین کو مختلف مصنوعات پر 40 فیصد تک رعایت بھی دی جائے گی ۔

نمائش کا انعقاد ٹیولپ بینکوٹ ہال اسلام آباد میں کیا جائے گا جس میں راولپنڈی اسلام آباد سے ہزاروں افراد کی شرکت متوقع ہے ۔