وفاقی وزیر پٹرولیم سے ایرانی سفیر کی ملاقات،دوطرفہ تعلقات پر تبادلہ خیال کیا

سلام آباد۔30اپریل (دوست نیوز):وفاقی وزیر پٹرولیم علی پرویز ملک سے پاکستان میں ایران کے سفیر رضا امیری مقدم نے ملاقات کی، جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔ ترجمان پٹرولیم ڈویژن کے مطابق ایرانی سفیر نے خطے میں امن و استحکام کے فروغ کے لیے حکومتِ پاکستان اور عوام کے تعمیری کردار پر اظہارِ تشکر کیا۔ انہوں نے پاکستان کی سفارتی کوششوں کو سراہتے ہوئے کہا کہ خطے میں امن کے لیے پاکستان کی کوششیں قابل قدر ہیں۔وفاقی وزیر نے سفیر کے خیالات کا خیرمقدم کرتے ہوئے خطے میں امن کے لیے پاکستان کے عزم کا اعادہ کیا۔