نیول ہیڈکوارٹرز آمد پر چیف آف دی نیول اسٹاف نے معزز مہمان کا استقبال کیا۔
نیول ہیڈکوارٹرز آمد پر چیف آف دی نیول اسٹاف نے معزز مہمان کا استقبال کیا۔ ملاقات کے دوران باہمی دلچسپی کے پیشہ ورانہ امور، اسرائیل، امریکہ اور ایران کے حالیہ تنازعے کے تناظر میں ابھرتی ہوئی علاقائی بحری سیکیورٹی کی صورتحال اور دوطرفہ دفاعی تعاون پر تفصیلی تبادلہ خیال کیا گیا۔ دونوں رہنماؤں نے تربیتی امور اور مشترکہ فوجی مشقوں پر خصوصی توجہ مرکوز کرتے ہوئے، دونوں ممالک کے مابین فوجی تعاون کو مزید مستحکم کرنے کی اہمیت پر زور دیا۔
چیف آف دی نیول اسٹاف نے علاقائی بحری سیکیورٹی کے لیے پاک بحریہ کی خدمات پر روشنی ڈالی۔ جنرل لیونٹ ایرگن نے مشترکہ بحری سیکیورٹی کے فروغ میں پاک بحریہ کی کاوشوں اور شاندار کردار کو سراہا۔
ترک ڈپٹی چیف آف جنرل سٹاف کا یہ دورہ پاکستان اور ترکیہ کے درمیان گہری تزویراتی (اسٹریٹجک) شراکت داری، اور ایک محفوظ اور مستحکم بحری ماحول کے قیام کے لیے دونوں برادر ممالک کے مشترکہ عزم کا عکاس ہے۔
