مشرق وسطیٰ کشیدگی سے امریکی اسٹاک مارکیٹ میں شدید گراوٹ، مہنگائی کے خدشات بڑھ گئے

مشرق وسطیٰ کشیدگی سے امریکی اسٹاک مارکیٹ میں شدید گراوٹ، مہنگائی کے خدشات بڑھ گئے

امریکی اسٹاک مارکیٹ جمعے کو شدید مندی کا شکار ہوئی جب ایس اینڈ پی 500 چھ ماہ کی کم ترین سطح پر بند ہوا، کیونکہ امریکہ اور اسرائیل کی ایران کے خلاف جنگ چوتھے ہفتے میں داخل ہو گئی ہے جس سے مہنگائی اور بلند شرح سود کے خدشات مزید گہرے ہو گئے ہیں۔ ایس اینڈ پی 500 میں 1.51 فیصد کمی آئی اور یہ 6,506 پوائنٹس پر بند ہوا جبکہ نیس ڈیک 2.01 فیصد گر کر 21,647 پوائنٹس پر آ گیا اور ڈاؤ جونز میں 0.96 فیصد کمی ریکارڈ ہوئی۔ ٹیکنالوجی کمپنیوں میں این ویڈیا اور ٹیسلا کے حصص 3 فیصد سے زائد گرے جبکہ الفابیٹ، میٹا اور مائیکروسافٹ میں بھی تقریباً 2 فیصد کمی دیکھی گئی۔ ماہرین کے مطابق تیل کی بلند قیمتوں اور طویل جنگ کے خدشات نے افراط زر کی توقعات کو ہوا دی ہے جس کی وجہ سے امریکی فیڈرل ریزرو کے شرح سود بڑھانے کے امکانات قوی ہو گئے ہیں۔ ایران کے ساتھ جنگ کے آغاز سے اب تک ایس اینڈ پی 500 میں مجموعی طور پر 5.4 فیصد کمی ہو چکی ہے۔