آرمی چیف کا یوم آزادی پر پاک فوج کے سابق فوجیوں کے اعزاز میں استقبالیہ
آرمی چیف کا یوم آزادی پر پاک فوج کے سابق فوجیوں کے اعزاز میں استقبالیہ
راولپنڈی، 14 اگست: چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے یوم آزادی کے موقع پر پاک فوج کے سابق فوجیوں کے اعزاز میں استقبالیہ دیا۔ تقریب میں ریٹائرڈ افسران اور جوانوں کی بڑی تعداد نے شرکت کی۔
چیف آف آرمی اسٹاف و چیف آف ڈیفنس فورسز نے ملک کے دفاع کے لیے سابق فوجیوں کی گراں قدر خدمات اور زندگی بھر کی قربانیوں کو خراج تحسین پیش کیا اور قومی استقامت کے فروغ میں ان کے دیرپا کردار کو سراہا۔
فیلڈ مارشل سید عاصم منیر نے کہا کہ سابق فوجیوں کا تجربہ، رہنمائی اور مسلسل وابستگی ایک قیمتی ادارہ جاتی اثاثہ ہے، بالخصوص ایسے وقت میں جب سکیورٹی کا ماحول تیزی سے پیچیدہ اور تبدیل ہو رہا ہے۔
سابق فوجیوں نے پاک فوج کی قیادت پر اپنے اعتماد کا اظہار کیا اور ابھرتے ہوئے سکیورٹی چیلنجز سے نمٹنے میں مسلح افواج کی مسلسل حمایت کے عزم کا اعادہ کیا۔
سابق فوجیوں نے قومی اتحاد، امن، استحکام اور خوشحالی کے لیے اپنا کردار جاری رکھنے کے عزم کا بھی اظہار کیا۔
