ایس آئی ایف سی کی کاوشوں کی بدولت ٹیکس اصلاحات اور سرمایہ کاری کے فروغ میں اہم پیش رفت ہوئی
اسلام آباد۔17مئی (دوست نیوز):ایس آئی ایف سی کی کاوشوں کی بدولت ٹیکس اصلاحات اور سرمایہ کاری کے فروغ میں اہم پیش رفت ہوئی ۔ ایس آئی ایف سی کی مؤثر سہولت کاری اور پالیسی تعاون کے باعث توانائی، ریفائنری اپگریڈیشن اور سرمایہ کاری کے فروغ کےلئے اہم اقدامات جاری ہیں ۔ آئندہ بجٹ 27-2026 میں آئل ریفائنریز کےلئے بڑا ٹیکس مسئلہ حل کرنے کےلئے ایس آئی ایف سی کلیدی کردار ادا کر رہا ہے ۔براؤن فیلڈ ریفائنری اپگریڈیشن پالیسی سے متعلق ٹیکس رکاوٹیں دور ہونے کے بعد اپگریڈیشن کا عمل تیز ہو گا ۔ ماہرِین معاشیات کے مطابق مقامی سرمایہ کاری میں توسیع اور اپگریڈیشن سے غیر ملکی سرمایہ کاروں کا اعتماد بڑھے گا۔ملک میں توانائی کی قیمتیں اور غیر مستقل ٹیکس پالیسیوں میں رکاوٹ کے باوجود کاروباری برادری کی کارکردگی مثالی رہی ۔پالیسی میں بہتری اور صنعتی اپگریڈیشن کے نتیجے میں درآمدی ایندھن پر انحصار میں نمایاں کمی، توانائی خودکفالت اور معیشت مستحکم ہو گی ۔ ایس آئی ایف سی کی کاوشوں سے سرمایہ کاری کے فروغ، صنعتی اپگریڈیشن اور کاروباری ماحول میں بہتری کےلئے ادارہ جاتی تعاون مضبوط ہو رہا ہے۔
