قومی
بحرین سے 4 ہزار میٹرک ٹن ایل پی جی لے کر آنے والا جہاز پورٹ قاسم پر لنگر انداز
✓ لنک کاپی ہو گیا
بحرین سے 4 ہزار میٹرک ٹن ایل پی جی لے کر آنے والا جہاز پورٹ قاسم پر لنگر انداز
کراچی: بحرین سے 4 ہزار میٹرک ٹن مائع پیٹرولیم گیس (ایل پی جی) لے کر آنے والا جہاز ’’یلو اسٹون‘‘ 24 اکتوبر کو پورٹ قاسم پہنچ گیا، جہاں جہاز نے صبح 8 بج کر 42 منٹ پر برتھ حاصل کر لی۔
پورٹ قاسم کے مطابق جہاز پر لدی ایل پی جی کی کھیپ کی بندرگاہ پر متعلقہ ضابطہ کار کے تحت ہینڈلنگ کا عمل شروع کر دیا گیا ہے۔
ایل پی جی کی یہ درآمد گھریلو اور تجارتی صارفین کی توانائی ضروریات پوری کرنے میں معاون ثابت ہوگی۔
پورٹ قاسم انتظامیہ کے مطابق یہ پیش رفت ملک کی اہم توانائی ضروریات کی درآمد اور ترسیل میں بندرگاہ کے کردار کو مزید نمایاں کرتی ہے۔
