اوباما نااہل صدر تھے، ٹرمپ ان کی پالیسیوں نے ایران کو اربوں ڈالر فراہم کرنے کے ساتھ جوہری ہتھیار حاصل کرنے کی راہ بھی ہموار کی، سوشل میڈیا پر پوسٹ کر دی
اوباما نااہل صدر تھے، ٹرمپ ان کی پالیسیوں نے ایران کو اربوں ڈالر فراہم کرنے کے ساتھ جوہری ہتھیار حاصل کرنے کی راہ بھی ہموار کی، سوشل میڈیا پر پوسٹ کر دی
واشنگٹن: امریکی صدر ڈونلڈ ٹرمپ نے سابق صدر باراک اوباما کو نااہل صدر قرار دیتے ہوئے الزام عائد کیا ہے کہ ان کی پالیسیوں نے ایران کو اربوں ڈالر فراہم کرنے کے ساتھ جوہری ہتھیار حاصل کرنے کی راہ بھی ہموار کی۔
ٹرمپ نے 25 اکتوبر کو اپنے سوشل میڈیا پلیٹ فارم ٹروتھ سوشل پر جاری پوسٹ میں اوباما کو شدید تنقید کا نشانہ بنایا۔ ان کا کہنا تھا کہ اوباما نے ایران کو اربوں ڈالر دیے اور اس ملک کے لیے جوہری ہتھیار حاصل کرنے کا راستہ آسان بنایا۔
ٹرمپ کا یہ بیان سابق صدر باراک اوباما کی جانب سے ان کی انتظامیہ کی پالیسیوں، خصوصاً ایران کے ساتھ جنگ، پر تنقید کے بعد سامنے آیا۔ اوباما نے 24 اکتوبر کو اوہائیو اور مشی گن میں انتخابی اجتماعات سے خطاب کرتے ہوئے ٹرمپ انتظامیہ کی پالیسیوں پر سوالات اٹھائے تھے۔
باراک اوباما اپنے دورِ صدارت میں ایران کے ساتھ 2015 میں طے پانے والے جوہری معاہدے کے حامی رہے۔ اس معاہدے کا بنیادی مقصد ایران کے جوہری پروگرام کو محدود کرنا اور بین الاقوامی نگرانی کے ذریعے اسے جوہری ہتھیار بنانے سے روکنا تھا۔
ڈونلڈ ٹرمپ نے اپنے پہلے دورِ صدارت میں 2018 میں امریکا کو اس معاہدے سے الگ کر لیا تھا اور ایران کے خلاف پابندیاں دوبارہ نافذ کر دی تھیں۔
واضح رہے کہ ایران کو اربوں ڈالر فراہم کرنے اور جوہری ہتھیار حاصل کرنے کی راہ ہموار کرنے سے متعلق الزامات ٹرمپ کا مؤقف ہیں۔ جوہری معاہدے کے حامیوں کا کہنا ہے کہ اس کا مقصد ایران کی جوہری سرگرمیوں پر پابندیاں عائد کرنا تھا، نہ کہ اسے جوہری ہتھیار حاصل کرنے میں مدد دینا۔
