حکومت عمران خان بارے سپریم کورٹ کے فیصلے پر من و عن عمل کرے گی، طارق فضل چودھری
حکومت عمران خان بارے سپریم کورٹ کے فیصلے پر من و عن عمل کرے گی، طارق فضل چودھری
اسلام آباد: وفاقی وزیر طارق فضل چودھری نے کہا ہے کہ حکومت سپریم کورٹ کے فیصلے پر من و عن عمل کرے گی، بانی پی ٹی آئی عمران خان کے مقدمات عدالتوں میں زیر سماعت ہیں اور ان کا فیصلہ عدالتیں ہی کریں گی۔
سینیٹ میں اظہار خیال کرتے ہوئے طارق فضل چودھری نے کہا کہ حکومت عدالتی فیصلوں کا احترام کرتی ہے اور سپریم کورٹ کے فیصلے پر مکمل عملدرآمد کیا جائے گا۔
انہوں نے کہا کہ ہمارے قائدین بھی جب قید میں تھے تو انہیں عدالتوں کے ذریعے ریلیف ملا، آج پی ٹی آئی والے بھی تسلیم کر رہے ہیں کہ عدالتوں میں انصاف ہو رہا ہے۔
وفاقی وزیر نے کہا کہ تحریک انصاف کی جانب سے ماضی میں عدالتوں کے بارے میں جس طرح کی زبان استعمال کی گئی وہ قابل مذمت ہے۔
طارق فضل چودھری نے پی ٹی آئی کو مشورہ دیا کہ وہ یہ بات سمجھ لے کہ پرتشدد احتجاج سے کچھ حاصل نہیں ہوگا، ملک کے مسائل کا حل صرف آئینی اور قانونی راستے کے ذریعے ہی ممکن ہے۔
انہوں نے کہا کہ سیاسی جماعتوں کو چاہیے کہ وہ آئینی اداروں کا احترام کریں اور اپنے مسائل کے حل کے لیے قانونی اور جمہوری راستہ اختیار کریں۔
