آپریشن بنیانٌ مرصوص نے پاکستان کی تزویراتی بصیرت کو نمایاں کیا، احسن اقبال

اسلام آباد (نمائندہ خصوصی)۔ وفاقی وزیر منصوبہ بندی، ترقی و اصلاحات پروفیسر احسن اقبال نے پاکستان کی تزویراتی تبدیلی کو اجاگر کرتے ہوئے ’’اڑان پاکستان‘‘ کو ایک کھرب ڈالر کی معیشت کے حصول کا قومی روڈ میپ قرار دیا ہے۔ انہوں نے کہا ہے کہ معاشی بحالی، قومی استحکام اور سفارتی کامیابیاں ملک کے روشن مستقبل کی مضبوط بنیاد بن چکی ہیں۔ وزارت کی جانب سے جاری پریس ریلیز کے مطابق وفاقی وزیر برائے منصوبہ بندی، ترقی اور خصوصی اقدامات احسن اقبال نے رائس یونیورسٹی میں طلبہ، اساتذہ، محققین اور پاکستانی برادری سے خطاب کرتے ہوئے کہا کہ پاکستان تین اہم قومی سنگ میل عبور کرنے کے بعد ترقی اور مواقع کے ایک نئے دور میں داخل ہو چکا ہے۔

آپریشن بنیانٌ مرصوص اور قومی استحکام

وفاقی وزیر نے کہا کہ آپریشن بنیانٌ مرصوص کی کامیاب تکمیل نے پاکستان کی تزویراتی بصیرت، قومی یکجہتی اور ادارہ جاتی ہم آہنگی کا بھرپور مظاہرہ کیا، جس سے ملک کے استحکام پر قومی اور بین الاقوامی اعتماد مزید مضبوط ہوا اور سرمایہ کاری و پائیدار معاشی ترقی کے لیے سازگار ماحول پیدا ہوا۔ انہوں نے مزید کہا کہ اس کارروائی نے عالمی برادری کے سامنے بھارت کی جارحیت کو بے نقاب کیا، جبکہ پاکستان نے خطے میں امن، ذمہ داری اور تحمل پر مبنی اپنے مؤقف کو مؤثر انداز میں اجاگر کیا۔ یہ وہی دور ہے جس میں وزیراعظم کا امن کے تحفظ کیلئے تحمل اور سفارت کاری پر زور دیا جا رہا ہے۔

اڑان پاکستان: ایک جامع معاشی مشن

پروفیسر احسن اقبال نے کہا کہ یہ کامیابیاں پاکستان کے لیے ایک غیر معمولی تزویراتی موقع فراہم کرتی ہیں، تاہم دیرپا ترقی کے لیے مسلسل اصلاحات اور طویل المدتی قومی تبدیلی ناگزیر ہے۔ انہوں نے سنگاپور، جنوبی کوریا، چین، ملائیشیا، ویتنام اور خلیجی ممالک کی ترقی کا حوالہ دیتے ہوئے کہا کہ پائیدار معاشی ترقی سیاسی استحکام، پالیسیوں کے تسلسل، انسانی وسائل میں سرمایہ کاری، جدت، مضبوط اداروں، میرٹ اور پیداواری صلاحیت میں اضافے سے ہی ممکن ہوتی ہے۔ انہوں نے مزید کہا کہ آبادی کے چیلنجز سے نمٹنے کیلئے مشترکہ کوششیں ناگزیر، وزیراعظم شہباز شریف کے ویژن کے مطابق حکومت کا مقصد پاکستان کو کھپت پر مبنی معیشت سے پیداوار اور جدت پر مبنی معیشت میں تبدیل کرنا ہے۔ انہوں نے حکومت کے اس عزم کا اعادہ کیا کہ 2035 تک پاکستان کو ایک کھرب ڈالر کی معیشت بنایا جائے گا۔

بانیانِ پاکستان کی ڈیڑھ سو ویں سالگرہ

بعد ازاں وفاقی وزیر نے ہیوسٹن میں جناح لائبریری میں پاکستانی نژاد امریکی برادری کے ہمراہ قائداعظم محمد علی جناح اور شاعرِ مشرق ڈاکٹر علامہ محمد اقبال کی ڈیڑھ سو ویں یومِ پیدائش کی تقریبات میں شرکت کی۔ اس موقع پر خطاب کرتے ہوئے انہوں نے کہا کہ حکومتِ پاکستان نے 2026 کو ‘سالِ قائد اعظم’ قرار دیا ہے تاکہ بانیانِ پاکستان کی ڈیڑھ سو ویں سالگرہ قومی سطح پر شایانِ شان انداز میں منائی جا سکے۔ انہوں نے کہا کہ یہ موقع نہ صرف ان کی غیر معمولی قیادت کو خراجِ عقیدت پیش کرنے کا ہے بلکہ ان کے افکار، نظریات اور قومی اقدار کو نئی نسل تک منتقل کرنے کا بھی ایک اہم ذریعہ ہے۔ جیسا کہ ملک میں این ڈی ایم اے کا ملک بھر میں مون سون الرٹ جاری کیا گیا ہے، ہمیں قومی یکجہتی کے اصولوں پر کاربند رہنا ہوگا۔ تقریب کے دوران قائداعظم اکیڈمی نے وفاقی وزیر احسن اقبال کو اپنا اعلیٰ ترین اعزاز ‘جناح کیپ’ پیش کیا۔