قومی
وزیراعظم شہباز شریف مدینہ منورہ پہنچ گئے، مسجد نبوی ﷺ میں حاضری اور نوافل ادا کیے
✓ لنک کاپی ہو گیا
وزیراعظم شہباز شریف مدینہ منورہ پہنچ گئے، مسجد نبوی ﷺ میں حاضری اور نوافل ادا کیے
اسلام آباد، 8 اگست (اے پی پی): وزیراعظم محمد شہباز شریف مدینہ منورہ پہنچ گئے جہاں انہوں نے وفد کے ہمراہ مسجد نبوی ﷺ میں حاضری دی۔
وزیراعظم آفس میڈیا ونگ کی جانب سے ہفتہ کو جاری پریس ریلیز کے مطابق وزیراعظم نے ریاض الجنہ میں نوافل ادا کیے اور ملک و قوم کی ترقی، خوشحالی اور سلامتی کے لیے دعا کی۔
نائب وزیراعظم و وزیر خارجہ سینیٹر محمد اسحاق ڈار، وزیر دفاع خواجہ محمد آصف، وفاقی وزیر اطلاعات و نشریات عطا اللہ تارڑ اور وزیراعظم کے معاون خصوصی طارق فاطمی بھی وزیراعظم کے ہمراہ تھے۔
وزیراعظم نے روضۂ رسول ﷺ پر بھی حاضری دی اور زیارتِ خاص کی سعادت حاصل کی۔
