انکم ٹیکس گوشوارے جمع کرانے کی تاریخ میں 31 اکتوبر تک توسیع

*انکم ٹیکس گوشوارے جمع کرانے کی تاریخ میں 31 اکتوبر تک توسیع*

اسلام آباد: فیڈرل بورڈ آف ریونیو (ایف بی آر) نے ٹیکس سال 2026 کے لیے انکم ٹیکس گوشوارے جمع کرانے کی آخری تاریخ میں مزید 15 دن کی توسیع کرتے ہوئے 31 اکتوبر 2026 مقرر کر دی ہے۔

ایف بی آر کے مطابق یہ فیصلہ مختلف تجارتی تنظیموں اور ٹیکس بار ایسوسی ایشنز کی درخواستوں پر کیا گیا ہے۔ اس سے قبل انکم ٹیکس گوشوارے جمع کرانے کی آخری تاریخ 30 ستمبر سے بڑھا کر 15 اکتوبر 2026 کی گئی تھی۔

ایف بی آر کی جانب سے جاری سرکلر کے مطابق انکم ٹیکس آرڈیننس 2001 کے سیکشن 214A کے تحت حاصل اختیارات استعمال کرتے ہوئے تاریخ میں مزید توسیع کی گئی ہے۔ اس فیصلے کا اطلاق ان ٹیکس دہندگان پر ہوگا جن کے لیے گوشوارے جمع کرانے کی آخری تاریخ 30 ستمبر 2026 مقرر تھی۔

توسیع کے بعد متعلقہ ٹیکس دہندگان اب 31 اکتوبر 2026 تک اپنے انکم ٹیکس گوشوارے جمع کرا سکیں گے۔