آٹھواں ورلڈ تائیکوانڈو پریزیڈنٹ کپ، سینئر کیوروگی میں ایران 5 گولڈ میڈلز کے ساتھ سرفہرست
آٹھواں ورلڈ تائیکوانڈو پریزیڈنٹ کپ، سینئر کیوروگی میں ایران 5 گولڈ میڈلز کے ساتھ سرفہرست
لاہور (رپورٹ محمد اقبال ہارپر) جناح اسپورٹس کمپلیکس میں جاری آٹھویں ورلڈ تائیکوانڈو پریزیڈنٹ کپ 2026 ایشین ریجن کے دوسرے روز سینئر کیوروگی کیٹیگری کے مقابلے ہوئے، جن میں ایران نے عمدہ کارکردگی کا مظاہرہ کرتے ہوئے 5 گولڈ میڈلز کے ساتھ برتری حاصل کرلی۔
مردوں کی 74، 58 اور 87 کلوگرام کیٹیگریز میں ایران کے کھلاڑیوں نے گولڈ میڈلز حاصل کیے، جبکہ خواتین کی کیٹیگریز میں بھی ایران نے 73 اور 62 کلوگرام میں سونے کے تمغے اپنے نام کیے۔
جنوبی کوریا نے خواتین کی 49 کلوگرام کیٹیگری میں گولڈ میڈل حاصل کیا اور ایک گولڈ کے ساتھ میڈلز ٹیبل پر دوسرے نمبر پر ہے۔
ایونٹ کے دوسرے روز سینئر کیوروگی کے مختلف وزن کے مقابلوں میں کھلاڑیوں نے بھرپور صلاحیتوں کا مظاہرہ کیا۔
آٹھویں ورلڈ تائیکوانڈو پریزیڈنٹ کپ 2026 ایشین ریجن کے تیسرے روز بھی سینئر کیوروگی کیٹیگری کے مزید مقابلے ہوں گے۔
