ارشد ندیم ٹاپ 8 میں جگہ بنانے میں ناکام، کامن ویلتھ گیمز میں ٹائٹل کا دفاع نہ کر سکے
ارشد ندیم ٹاپ 8 میں جگہ بنانے میں ناکام، کامن ویلتھ گیمز میں ٹائٹل کا دفاع نہ کر سکے
گلاسگو: پاکستان کے اولمپک چیمپئن اور دفاعی کامن ویلتھ گیمز چیمپئن ارشد ندیم مردوں کے جیولن تھرو کے فائنل میں ابتدائی تین کوششوں کے بعد ٹاپ 8 میں جگہ بنانے میں ناکام رہے، جس کے باعث وہ میڈلز کی دوڑ سے باہر ہو گئے۔
ارشد ندیم نے 2022 کے کامن ویلتھ گیمز میں 90.18 میٹر کی ریکارڈ تھرو کے ساتھ طلائی تمغہ جیتا تھا، تاہم اس بار فائنل میں ان کی پہلی کوشش فاؤل قرار پائی۔
انہوں نے دوسری کوشش میں 77.41 میٹر کی تھرو کی، جس کے بعد وہ نویں پوزیشن پر رہے۔ تیسری کوشش میں ارشد نے 75.39 میٹر کی تھرو کی، تاہم وہ اپنی پوزیشن بہتر نہ بنا سکے اور ابتدائی تین راؤنڈز کے اختتام پر ٹاپ 8 میں شامل نہ ہونے کے باعث مقابلے سے باہر ہو گئے۔
سری لنکا کے رومیش تھارانگا پاتھیراگے نے 89.75 میٹر کی شاندار تھرو کے ساتھ طلائی تمغہ اپنے نام کیا۔ بھارت کے نیرج چوپڑا نے 85.83 میٹر کی تھرو کے ساتھ چاندی کا تمغہ حاصل کیا، جبکہ بھارت کے یش ویر سنگھ نے 85.41 میٹر کی تھرو کر کے کانسی کا تمغہ جیت لیا۔
ارشد ندیم نے کوالیفائنگ راؤنڈ میں 78.63 میٹر کی بہترین تھرو کے ساتھ فائنل کے لیے کوالیفائی کیا تھا، تاہم وہ فیصلہ کن مرحلے میں اپنی بہترین کارکردگی کا تسلسل برقرار نہ رکھ سکے۔
