مذاکرات کے لئے اسلام آباد آنے والے مندوبین کو ویزا آن ارائیول سہولت فراہم کی جائے گی ، اسحاق ڈار

نائب وزیر اعظم اور وزیر خارجہ سینیٹر محمد اسحاق ڈار نے اعلان کیا ہے کہ پاکستان مذاکرات کے لئے اسلام آباد آنے والے مندوبین کو ویزا آن ارائیول سہولت فراہم کرے گا۔

اسلام آباد۔10اپریل (اے پی پی):نائب وزیر اعظم اور وزیر خارجہ سینیٹر محمد اسحاق ڈار نے اعلان کیا ہے کہ پاکستان مذاکرات کے لئے اسلام آباد آنے والے مندوبین کو ویزا آن ارائیول سہولت فراہم کرے گا۔ نائب وزیر اعظم نے جمعہ کو ایکس پر ایک پوسٹ میں کہا کہ پاکستان اسلام آباد مذاکرات 2026 کے سلسلہ میں سفر کرنے والے ممالک کے صحافیوں سمیت تمام مندوبین کا خیرمقدم کرتا ہے۔ انہوں نے کہا کہ اس مقصد کےلئے تمام ایئر لائنز سے درخواست کی جاتی ہے کہ ایسے تمام افراد کو بغیر ویزا کے بورڈنگ کی اجازت دیں۔ سینیٹر محمد اسحاق ڈار نے کہا کہ پاکستان میں امیگریشن حکام انہیں آمد پر ویزا جاری کریں گے۔