سکھر میں مویشی منڈی سج گئی ، خریداری کا رجحان کم

سکھر۔ 20 مئی (دوست نیوز):سکھر میں مویشی منڈی سج گئی ، ہزاروں جانور پہنچ گئے ۔ سکھر میں سٹی پوائنٹ کے پاس مویشی منڈی سج گئی ہے ۔ قربانی کے ہزاروں جانور پہنچ گئے ہیں ۔ شہریوں کی بڑی تعداد نے مویشی منڈی کا رخ کیا ہے ۔ جانوروں کی قیمتیں آسمان سے باتیں کر رہی ہیں ۔ مہنگائی کے باعث خریداری کا رجحان کم نظر آرہا ہے ۔ جانور دستیاب ہیں مگر خریدار مہنگائی کی وجہ سے پریشان ہے ۔ عید قرباں سے چند روز قبل سکھر میں مویشی منڈی سجائی گئی ہے ، شہریوں کی آمد کا سلسلہ جاری ہے ۔ مقامی انتظامیہ نے مویشی منڈی میں بنیادی سہولیات کے ساتھ ساتھ سکیورٹی کے انتظامات بھی سخت کر دیئے ہیں ۔