بحری شعبے میں خود انحصاری کے نئے دور کا آغاز،نیشنل ڈریجنگ اینڈ میرین سروسزکا قیام

اسلام آباد۔16مئی (دوست نیوز):بحری شعبے میں خود انحصاری کے نئے دور کا آغاز ہو گیا، ڈریجنگ کی مقامی صلاحیت کے لیے نیشنل ڈریجنگ اینڈ میرین سروسز(این ڈی ایم ایس) کمپنی قائم کردی گئی،یہ نیشنل لاجسٹکس کارپوریشن، کے پی ٹی، پورٹ قاسم اتھارٹی اورگوادرپورٹ اتھارٹی کا مشترکہ منصوبہ ہے۔نیشنل ڈریجنگ اینڈ میرین سروسز نے پورٹ قاسم پر افتتاحی تقریب میں ڈریجنگ سروسز کا آغازکردیا۔مقامی ڈریجنگ صلاحیت سے غیرملکی کمپنیوں پرانحصار میں کمی اورقیمتی زرمبادلہ کی بچت متوقع ہے۔

عالمی معیار کی ڈریجنگ ٹیکنالوجی سے پورٹ قاسم میں بحری گزرگاہوں کی گہرائی برقراررکھی جائے گی۔ڈریجنگ آپریشن سے پورٹ قاسم کو بلا تعطل فعال رکھنے اوربحری نقل و حمل کو موثر بنانے میں مدد ملے گی۔ڈریجنگ کے شعبے میں خود کفالت، پاکستان کی بلیواکانومی کے فروغ کی جانب اہم قدم ہے۔