آسٹریلیا کے خلاف ہوم ون ڈے سیریز میں صائم ایوب کی شرکت غیر یقینی

لاہور (دوست نیوز ۔ 13 مئی 2026ء ) پاکستان ٹیم کے بائیں ہاتھ کے جارح مزاج بیٹر صائم ایوب ممکنہ طور پر آسٹریلیا کے خلاف ہونے والی ہوم ون ڈے سیریز میں پاکستان ٹیم کا حصہ نہیں ہوں گے۔ 

ذرائع کے مطابق صائم ایوب نیشنل کرکٹ اکیڈمی ( این سی اے) کے پہلے مرحلے کے کیمپ میں شامل نہیں وہ عید کے بعد لگنے والے کیمپ میں شامل ہوں گے۔

ذرائع کا کہنا ہے کہ نیشنل کرکٹ اکیڈمی میں کیمپوں کا سلسلہ 4 ماہ جاری رہے گا اور 4 ماہ کے کیمپس کے لیے 38 کھلاڑیوں کی فہرست تیار کی گئی ہے۔ 

ذرائع کا بتانا ہے کہ کیمپ میں وائٹ بال اور ریڈ بال کے کرکٹرز شامل رہیں گے اور کیمپس کے دوران ہی کھلاڑی پاکستان ٹیم کے ساتھ ریڈ بال اور وائٹ بال سیریز کا حصہ بنتے رہیں گے۔

ذرائع کے مطابق کیمپوں کے دوران کھلاڑیوں کی متعلقہ فارمیٹ کے حوالے سے اسکلز اور فٹنس پر کام کیا جائے گا۔

پاکستان کرکٹ بورڈ نے کہا کہ یہ کیمپ 30 مئی سے 4 جون تک راولپنڈی اور لاہور میں کھیلی جانے والی آسٹریلیا کے خلاف تین ون ڈے میچوں کی سیریز کے لیے کھلاڑیوں کو تیار کرنے کے لیے ڈیزائن کیا گیا ہے۔ 

تینوں ون ڈے مقامی وقت کے مطابق شام 4:30 بجے شروع ہوں گے جس کا ٹاس شام 4 بجے شیڈول ہے۔ 

بورڈ نے مزید کہا کہ این سی اے کا کوچنگ سٹاف کیمپ کے دوران کھلاڑیوں کی کارکردگی اور کام کے بوجھ کی نگرانی کے لیے پاکستان مینز وائٹ بال مینجمنٹ ٹیم کے ساتھ مل کر کام کرے گا۔

آسٹریلیا کا دورہ 2022ء سے 50 اوور کی دو طرفہ سیریز کے بعد پاکستان میں واپسی کا اعلان ہے جب میزبان ٹیم نے 2-1 سے فتح حاصل کی۔ 

اس سال کے شروع میں آسٹریلیا نے بھی تین میچوں کی T20I سیریز کے لیے دورہ کیا تھا جسے پاکستان نے لاہور میں 3-0 سے جیتا تھا۔