پاکستان کا اقوام متحدہ میں واضح مؤقف،پہلگام فالس فلیگ آپریشن قبل از وقت بے نقاب کردیا
اسلام آباد۔3مئی (دوست نیوز):بھارت کےغیرقانونی اوریکطرفہ اقدامات پرپاکستان نے اقوام متحدہ میں واضح اوراصولی مؤقف اپناتے ہوئے پہلگام فالس کی آڑمیں بھارت کو کسی بھی قسم کی مہم جوئی سے پہلے ہی خبردار کردیا تھا،پاکستان نےبھارتی جارحیت سے قبل ہی اس کے ناپاک عزائم کو دنیا کے سامنے بے نقاب کر دیا۔
2مئی 2025کو اقوام متحدہ میں مستقل پاکستانی مندوب عاصم افتخاراحمد کا کہنا تھا کہ بھارتی اقدامات علاقائی امن وسلامتی کےلئے سنگین خطرہ ہیں،پاکستان بھارت کےساتھ کشیدگی میں اضافہ نہیں چاہتا اور یہ بات ہر سطح پر واضح کی جاچکی ہے۔ عاصم افتخاراحمد نے کہا کہ ہم اپنی خودمختاری اور علاقائی سالمیت کے دفاع کےلئے مکمل طور پر تیار ہیں، بھارت کی جانب سے کسی بھی قسم کی آبی جارحیت کو اعلان جنگ تصور کیاجائے گا ۔ مندوب نے کہا کہ پاکستان کشیدگی پراقوام متحدہ کی ثالثی قبول کرنے پررضامند ہے۔
ماہرین کے مطابق پاکستان نے بھارتی جارحیت کےعزائم کوبھانپتے ہوئے دنیا کے سامنےمدلل موقف پیش کرکے ذمہ دار ریاست ہونے کا ثبوت دیا ،دوسری جانب پاکستان کی امن کی پیشکش کو نظر انداز کر کے بھارت نے معرکہِ حق میں بدترین ہزیمت اور عالمی رسوائی سمیٹی۔
