پشاور۔ 15 اپریل (محمد خالد):تھانہ پڑانگ مہمند پولیس نے منشیات کے خاتمے کے لئے آپریشن کے دوران 54 کنال اراضی پر کاشت افیون کی فصل تلف کر دی۔تر جمان مہمند پولیس کے مطابق ڈی ایس پی سرکل پڑانگ غار فرہاد علی کی نگرانی میں ایس ایچ او منصف خان، ایس آئی خان رحمان نے ضلعی انتظامیہ اور دیگر پولیس نفری کے ہمراہ اپر پڑانگ غار ڈبر میں افیون کی کاشت کے خلاف آپریشن کیا اور اس دوران 54 کنال اراضی پر غیر قانونی طور پر کاشت کی گئی افیون کی فصل کو موقع پر تلف کر دیا ۔ڈی پی او مہمند نے کہا کہ ضلع میں غیر قانونی کاشت کے خاتمے کے لیے بلا امتیاز کارروائیاں جاری رہیں گی۔
