پاکستان یورپی یونین سے رابطے میں، قزاقوں کے ہاتھوں یرغمالیوں کی رہائی

اسلام آباد (دوست نیوز رپورٹ) — یورپی یونین کے ساتھ تعلقات کے بارے میں ترجمان دفتر خارجہ نے کہا کہ پاکستان انسانی حقوق، محنت کشوں کے حقوق، گورننس اور جی ایس پی پلس فریم ورک سے متعلق امور پر برسلز کے ساتھ رابطے میں ہے۔

بین الاقوامی وعدوں پر عملدرآمد

ترجمان طاہر حسین اندرابی نے کہا کہ بین الاقومی وعدوں پر عملدرآمد میں پاکستان کی پیشرفت کو وسیع پیمانے پر تسلیم کیا جارہا ہے۔

صومالیہ میں یرغمال پاکستانی عملے کی رہائی

انہوں نے کہا کہ صومالیہ کے ساحل کے قریب قزاقوں کے ہاتھوں یرغمال بنائے گئے 10 پاکستانی عملے کے ارکان کی رہائی کےلئے حکومت بھرپور کوششیں کررہی ہے۔ حکومت ان کی محفوظ رہائی کےلئے صومالی حکام، جہاز کے مالک اور دیگر متعلقہ فریقوں سے مسلسل رابطے میں ہے۔